Nakailang biling ka na
Sa parehong kama
Na taon mo nang kasama.
Hindi ka mapatda—
Kung bakit mas marahas
Ang sadsad ng katol
Sa ilong mo ngayon
Hindi mo alam
Kung bakit nakabibingi
Ang himig ng mga kuliglig
Kung bakit may dalang bagabag
Ang malamig at matigas nang papag
Dasal mo bago matapos ang gabi:
Nawa'y makahuli ng hinahon sa ligalig.
Dahil may dalang pamamahay
Ang walang katiyakang paghihintay.
Walang komento:
Mag-post ng isang Komento